युनायटेड वे ऑफ बेंगलुरु या सामाजिक संस्थेच्यावतीने व जिल्हा परिषदेच्या माध्यमातून, जिल्हा परिषद प्राथमिक शाळा राघुचीवाडी या शाळेस वर्गवाचनालयासाठी पुस्तके भेट देण्यात आली. युनायटेड वे ऑफ बेंगलुरु संस्थेचे प्रतिनिधी श्री. सत्यपाल कांबळे यांनी शाळेच्या मुख्याध्यापकांकडे पुस्तके सुपूर्द केली. पुस्तकासोबतच भिंतीवर लावावयाचे पुस्तक पॉकेट दिलेले आहे. या पॉकेटमध्ये पुस्तके ठेवली जाणार आहेत. त्यामुळे मुलांना त्यांना जेव्हा वाटेल तेव्हा पुस्तके सहज उपलब्ध होणार आहेत.
मुलांना अवांतर वाचनाची गोडी लागावी. वाचन संस्कृती रुजावी. विविध विषयाच्या अध्यनिष्पत्ती विकसित व्हाव्यात. निपुण भारत कार्यक्रमांतर्गत विद्यार्थ्यांना आकलनासह वाचन करता यावे यासाठी या पुस्तकांचा निश्चितच उपयोग होणार आहे.
शाळेत ग्रंथालयावर आधारित विविध उपक्रम राबविण्यात येतात. पुस्तकांच्या माध्यमातून सहभागी वाचन, प्रकट वाचन, अभिवाचन घेण्यात येते. शाळेतील मुले पुस्तक वाचून त्यावर चर्चा करतात. पुस्तकाचा परिचय लिहितात. मुले आवडीने पुस्तके वाचतात.
