⭐राष्ट्रीय परिसंवाद⭐
9,10,11 तारखेला मुंबई विद्यापीठात “शिक्षणाचा अधिकार व भाषाचे भवितव्य” या विषयावर राष्ट्रीय परिसंवाद घेण्यात आला.
यामध्ये भाषातज्ञ,शिक्षणतज्ञ,प्रयोगशील शिक्षक,पाठ्यपुस्तक मंडळातील सदस्य सहभागी झाले होते वेच्या गावीत, फारूक काझी,वैशाली गेडाम, शशिकला पाटील हे प्रयोगशील शिक्षक सहभागी झाले होते.
रमेश पानसे,किशोर दरक, मॅक्झीन मावशी, जी.एन देव,अनिता रामपाल( दिल्ली),सोनीका कौशीक,शिरीन इराणी,निलेश निमकर,तन्वीर हसन(बंगलोर), प्रोबल दासगुप्ता इत्यादी मान्यवरांनी विचार मांडले.
NCF 2005 व RTE कायदा यावर चर्चा झाली. बोलीभाषा प्रमाणभाषा यावर चर्चा झाली.रमेश पानसे सरांनी बालकांचे भाषाशिक्षणातील अडचणीचा उहापोह केला.तन्वीर हसन यांनी विकीपिडीया बद्दल छान माहीती दिली.मी तयार केलेला बोलीभाषा प्रमाणभाषा शब्दकोष विकीपीडीयावर टाकावा असे मला सांगीतले.विकीकाॅमन्स,विक्सनरी,विकीबुक्स ही माहीती पाहून वाटले….खरचं हा एक मुक्त ज्ञानकोष आहे. चंद्रकांत पुरी यांनी भटक्या जमातीतील शिक्षणाचे वास्तव समोर आणले.फारूख काझी यांनी शाळेतील मुलांच्या लेखनातुन संवादभाषा व माध्यमभाषा हा विषय छान मांडला.मीही सक्रीय सहभाग नोंदवला….
विनयाताई व विद्यापीठातील भाषाविज्ञान विभागाचे प्रमुख अविनाश पांडे यांनी छान नियोजन केले होते.वैशालीताईनी मुलांच्या मुल्यमापनाची नवीन पद्दती मांडली.
आजपर्यत पुस्तकात वाचलेल्या लोकांशी संवाद साधता आला.वेच्या,फारूख अशी जिवलग मित्र भेटले……….