स्वामी विवेकानंद संस्थेचे अध्यापक विद्यालय धाराशिव येथील छात्राध्यापक अमोल घाटे यांनी आज महाराष्ट्र शासनाचा आदर्श शिक्षक पुरस्कार प्राप्त शिक्षक,श्री. समाधान शिकेतोड यांची मुलाखत घेतली. ही मुलाखत अतिशय प्रेरणादायी झाली.
मुलाखतीच्या माध्यमातून शिकेतोड सरांनी त्यांचा शैक्षणिक प्रवास मांडला. शाळेत राहिलेल्या विविध उपक्रमांची माहिती दिली. ज्ञानरचनावाद, विद्यार्थ्यांचा व्यक्तिमत्व विकास, सहशालेय उपक्रम, प्रकल्प, ग्रंथालय, वाचनाचे महत्त्व याबाबत त्यांनी सांगितले.
अध्यापक विद्यालयातील छत्राध्यापक व शाळेतील विद्यार्थ्यांसाठी ही मुलाखत प्रेरणादायी ठरली.मुलाखत ऐकताना शाळेतील विद्यार्थी मंत्रमुग्ध झाले होते. शाळेतील विद्यार्थ्यांना मुलाखतीचे तंत्र, मुलाखत कशी घ्यावी याबाबत माहिती मिळाली.
या कार्यक्रमाच्या अध्यक्ष श्रीमती रुक्मिणी बारकुल ह्या होत्या. या कार्यक्रमाला प्रमुख अतिथी म्हणून अध्यापक विद्यालयाचे प्राध्यापक श्री. भिमराव शिंदे होते. या कार्यक्रमाला शाळेतील शिक्षक, विद्यार्थी उपस्थित होते. श्री. योगेश कपाळे यांनी कार्यक्रमाचे आभार प्रदर्शन केले.
